Kiphilmung teisa kiphilmung phiya tangwi ! Maobadi ?
Srangsalo Maobadi issue no twiwi Dhalai hangkhoro kaisa press meet khwlaijakha.A Salni press meet oh Moubadi rokno uskani riwi Ex CM Manik Sarkar je kok samani abono twiwi phirok mung rikha BJP ni Ex MP Rebati Tripura. Bo sakha, EX CM ni kokrogno gosiwi naharjaknani kokya. Abo Democracy tei Bharat hakotor ni bagwi thikya. 2014 Bisio Bharat hakotoro PM Narendra Modi gosimung manmani ulo tei 2018 Bisio BJP kwplai wngmani yagulo swrai swrai khe Sajak, Maobadi issue no twiwi borok zero tolerance. Aboni kwcharo laithangnai 22 April oh Pahelgao oh Pakistan no je silai kokkha.
Aboni yagulo Bharat jephuru Operation Sindoor hinwi karikha oh jorao Hasteni kwcham mantri ni thani Abohai kok khunajakwano hinwi wanswk phano maya hinwi sakha EX MP Rebati.Bo teibo sakha, Ministry of home affairs Amit Shah 2024 Bisio Maobadi rokni Thani kobok mung narukmani Dati dati surrender riwi tong kwchang khe tongnani bagwi.Abobai jorao Borok haphang Bai thansa se Tongna nangmani phiyaba borok se ulta Maobadi rokno Phan riwi tongo hinwi.Aboni bagwi khamithik mung Bai ex MP Kwcham mantri ni Thani swngmung narukha,Bharat haphang tabukni simiya 2014 bisio Haphang hinwi gosimung manmani ulni simino Moubadirogni samung rokno gothokjakya wngwi Surender riwi tong kwchang khe tongna bagwi samani hinwi.
Kwcham MP teibo sakha,Bisisni ni bisingo Kwbangma Maobadino Borok sep sap rikha. Bjp haphang phaimani Yagulo Hasteo Samung sitra wngma rokbo aswk nukjakliya.Abono twiwi da kebengnai bodol rok mokol pengjakliya hinwi swngmung tisakha kwcham MP.Paithago bo teibo sakha,BJP haphang no durnam khwlainani bagwi Kebengnai bodol rok Chaitogwi tongo hinwi.
Yango kebengnai bodol ni ojama eba Politburo adong Jitendra Choudhary sakha, BJP ni kisasuk mantri rok Moubadi ni laibuma siya karwi Je khugo phaima abono sawi tongkha hinwi.Sal kisa Swkang Bharatiya Janata party ni Sangsad Rajib Bhattacharjee bo Moubadi rokno twiwi nang nungya kok pirwi tongkha.Bjp ni naharmung no wngkha Tongkosong lukurok no phemlogwi tinna samung hinwi kok kwrak khitarwi sakha Jitendra Chaudhury.
