MDC Ganesh Debbarma : MDC Fundbai malkhung yapharkha Kherengbar CHC Hospital
Srangsalo Tripura hasteni 6th schedule area ni bisingo khobjak MDC Fundbai TTAADC ni kherengbar Hospitalno Malkhung yapharkha MDC Ganesh Debbarma.
Khatung khaja khwlaiwi a salo lukurognobo panda kwrwngkha.
MDC Fund Tipra Motha TTAADC-o haphang khamani ulo mano tei khwlaijago. MDC Fundbaibo kwbangma kami amchairogni jwngjal sokomorwi mano aboni bagwino o wansukmung naharwi yapri naharjakmani hwnwi sakha Maharaj Pradyot Bikram Debbarma.
Teibo alaida khwlaiwi Maharaj Sakha, thinango teibo kaham khwlaiwi Kherengbar CHC Hospital no daktino o bisio choil khwlaijaknai. Abono karwino Northeast ni bisingo abobo kaisa kotorma Hospital hwnwi sinijakmung manai tei phatar ni tongkosong lukurogbo aroni kaham kaham sep naharwi manai hwnwi sakha.
Pandao manjakha Maharaj Pradyot Bikram Debbarma, MDC Ganesh Debbarma, MDC Kamal Kalai, CEM Purna Chandra Jamatia, Jagadish Debbarma, Kherengbar CHC Hospital ni saknairogno khobwi tei kubuni.
