Recruitment twiwi khorang tisakha Tripura ni congress bodol
Image Source: Social Media
Salkisa swkango Directorate of health Services ni bwkhaktwi online Recruitment ni bagwi kaisa Notice saklai rijakmani. Lab technician, Radiology tei Orthopaedic o Apply khwlaina muchungnai tongkhe khwlainani bagwi.
Aboni yagulo Kwbangma sikla sikli rok Apply khwlaikha. Phiyaba Baksa khe Survey hamyani bagwi apply khwlai manliya. A issue no twiwi no tini Pradesh Yuba Congress ni kisasuk bodol rok Directorate of health services habanogo thangwi Memorandum yapharwi kha.
Aboni yagulo Koktwma thumnai rokni bwskango Tripura Yuba Congress ni kasku Neel kamal Saha Sakha, Online recruitment ni bagwi 20 ni simi 25 thousand hai sikla sikli rok Apply khwlaimani.
Swrapcha ulo kheno Technical issue hwnwi phunukha. Amoswk Kotor Office wngwi bahaikhe chaya wngnani nang abono twi swngmung tisakha tei je Borok rok tabuk bo Apply khwlai manyakho Borokni bagwi Salsni(7) hai jora Bangriwi rinani bagwi bo Sanmung narukha. Aboni logi logi Habanok bwskango no Offline Registration centre phiyokna bagwi kobokmung narukha Yuba Congress ni bodol.
