Tripura Hasteo Bangladeshi habphailai tongo borogno Rail policerog simi romwi naruk mano phiyaba Tripura Police khe Tangwi Romwi naruk Manya wngna kwlai ! MLA Ranjit Debbarma
Image Source: Social Media
Sal kisa Swkang Ministry of Home Affairs Amit Shah notice Sakwlaimani abono twiwi kaisa press conference khwlaijakha. A press Conference oh Manjakwi MLA Ranjit Debbarma sakha, Raida chayatwi Bangladesh ni Tripura habphainairogno nornani bagwi Ministry of Home Affairs Amit Shah je yapri naharkha, Abono twiwi jotto no thansa ma wngnai hinwi. Illegal immigrantsrogno Sai saiwi karinani bagwi laithangjak 3rd August 2024 Bisio bo koktun rohorjak tongmani hinwi Sakha MLA Ranjit Debbarma. Phiyaba sal kudukmani yagulo phano Ministry of Home Affairs Amit Shah Illegal immigrants no karinani bagwi je yapri naharkha abono Pal baksa khe logi rilaiwi khana Belonia Bogafa amchaio kaisa Kotor lahar himbotok khlaikha. Abo simiya A Step naharmano twiwi tamo tamo khlaijaknai aboni bagwi bo Cheif Secratary, DGP, Police SPrognobo koktun rohorkha. Bwskang sal rogo jora mankhe borogbai malaiwi koklam bo salaijaknai hinwi.
Yango koktwma thumnairogni kok swngpinik mungo phirokmung rinani thangwi MLA Ranjit Debbarma sakha, Salburum no raida chaya twi Tripura Hasteo Bangladeshi rok habphailai tongo Borogno Rail policerog simi romwi naruk mano phiyaba Tripura Police khe Tangwi Romwi naruk Manya wngna kwlai ! abono twiwi bo swngmung tisakha?
Yango Ministry of Home Affairs Amit Shah ni Yapri naharmano twiwi MDC Bidyut Debbarma no swngjakhe Bo sakha,Central haphang kaham no wanswk kha.Chini Hao phatar ni borok rok phaiwi Je over load wngwi tongmani Borogni bagwi O hani borok kaham khe sep saprog manya wngwi tongkha. Aboni bagwi O haa no mwthangwi naruknani hinkhe Illegal immigrants no karinani no nangnai hinwi. Gujrat haste rogo khe Sai Saiwi Phatar hani phainaino jotto west Bengal o rohorbaikha. Abo haikheno Jotto hasteni bororok thansa wnglai khe Teibo swkang simino Bharat hakotor no kisa helengri mankha mung hinwi sakha MDC Bidyut Debbarma. Ministry home affairs Amit Shah Je Yapri naharmani Abono BJP,Tipra motha, Congress jotto no Chajakwi kha baksa wngbo phiyaba CPIM rok khe Tabuk bo kisa kokoi mokoi kho hinwi kok Kwrak khe khitarwi kok sakha MDC.
Aboni yagulo Illegal immigrants no twiwi EM Rabindra Debbarma no kok swngjakhe Bo sakha, Abohai Step Swkang ni simino Naharjakkhai teibo hamkha mung hinwi. Agini jorani simino Bangladesh ni borok rok Tripura Hasteo eba Bharat hakotoro Habphailai tongo Abo kunu kwtal kok ya hinwi.Tabuk Cut off year voter list nai naiwi Documents rok verification khwlaikhe chanai hinwi. Aboni logi logi Illegal immigrantsno karinani bagwi Central Government kaisa team swnam khe teibo chanai hinwi. Abo Simiya Jotto district haya khe Rajakhor agulio abono twiwi kaisa kotor rally bo khwlaikhe chanai hinwi. Phiyaba Em Rabindra Debbarma ni khao kaisa Kotor kok swngmung achaijak wngmanibai bo khuk peplai sakha,Jotto hasteo no Illegal immigrants no karinani bagwi lama tongphano Tripura Hasteo kwrwi hinwi Tamoni hinkhe Tripurao 2 number mang choliwi tongo.Je Sak sak no bharatiya hinwi Sinimung riwi tongnairog rang baino Jotto Documents Nokol kariwi tikhlai tonmano hinwi kok krakhe sakha EM Rabindra Debbarma.
