Tripura Tribal Areas Autonomous District Council 2026 chongbari sabo swnamno haphang ?

by Gobin Debbarma - Wed Apr 16 2025 08:28:37 GMT+0000 (Coordinated Universal Time)

2026 chongbari Tripura Tribal Areas Autonomous District Council. April talni 2026 wngnai Election. Sabo haphango achuk no, sabono haphango achukrwnani muchung, bahaikhe hamkrai wngwi man tei tabuksak jora bwswk chasamung mankha abo lukurog nukjak. 

          TTAADC India Governmentbai gosimung manmani ulo aro swijak eba sajak tongmani wngkha aro tongnai tong kosong lukurogni hamkrai, naikolnani tei mwthangmung rwnani akorog.

          Khoroksa social worker Mithun Debbarma sakha, 2026 Election belai wansugwi vote rwthai chwng tong kosong tongnairog. Election phaio election thango bisikba ni ulo, phiya nwng nini eba norog ni kami amchai moyal bwswk joratwi hamkrai wngkha abonobo naisiklaidi tei naisikthai. Aboni bagwino ang sana muchung chwngbo palkhe chango ri khalaianw tamo hinbai? Ha tei dopha borog simibo khaiwi manya chini thanibo phan tongo.

          Baksa tongkosong lukurog khatunglaijak bwskang 2026 Election no twiwi. Jotono jora kok sanai hwnwi khakalaijak. Social mediao molo jotono phwlang phwlang tei swrai swraikhe nukjaknai hwnwi wansuklaijak hwnwi koktwma.