Tripura Tribal Areas Autonomous District Council haphangni bwkhaktwi rwjagwi tongo khwtwng, tongkosong lukurogno

by Gobin Debbarma - Thu May 08 2025 12:22:38 GMT+0000 (Coordinated Universal Time)

Sangrongsalo kubuni salni haikhe Tripura Tribal Areas Autonomous District Council bisingo khobjak Maharani Gamari Kami khwlaikha panda TWF of the Maharani Regional Committee ni luajimungbai. TTAADC haphang dalbidal khwlaiwi panda akorog khwlaiwi tongmani nukjagwi tongo. 

          Pandao amchaini ritak kwrwng eba tongkosong lukurogno yapharjakha khwtwng akorogno.

          A salni pandao kwrwngwi TTAADC CEM Purna Chandra Jamatia sakha, o panda ni naharmung wngkha amchaini ri tak kwrwngrogno teibo sakbaithangni yakungbai bachanani tei hamkrai khwlainani. Thinango teibo TTAADC Haphang tongkosong lukurogni kokno khorogo wansugwi yapri naharjaknai hwnwibo koklam.

          Khursathai kwlaio, Tipra Motha Party ni bwkhaktwi TTAADC amchaini bisingo khobjak kwbangma thairogno yapharjagwi tongo abohai manwi khwnwi tei nangkukjak manwi khwnai.

          Manjakha TTAADC CEM Purna Chandra Jamatia, Sadagar Kalai, Gomati Zonal Development Committee adong Sri Rathindra Jamatia, Sri.Joysadhan Jamatia, Sri Subudh Jamatia, President of Killa Block TMP, Sri Ishan Jamatia, Vice President of Central YTF tei kubuni TWF, YTF, alaida khaiwi TMP ni adongrogbo manjakha.