Youth Tipra Federation haino siringkhe tonglak, nornani nangnai kubuni phatar hasteo ?
Image Source: Social Media
Koktisal Sanja jorao Tripura ni Maharaja Pradyot Kishore Debbarma tei TTAADC ni CEM Purna Chandra Jamatia Nangkukmani Samungrogno twiwi kok salainani bagwi Gomati district ni DM Tarit Kanti Chakma bai Malaina thangmani. Phiyaba DM Tarit Kanti Chakma Sak sakno VIP wansukwi Maharaja Pradyot Kishore Bai malainani soiliya. Lachimung riwi bono kiphildi horkha. A koktwma pirjakheno Youth Tipra Federation(YTF) bodol kha khamsamani logi logi tungphlamanibo nukjakha. Aboni bagwi YTF rok kaisa press meet khwlaikha.
A press meet ni bisingtwi YTF President Suraj Debbarma sakha, DM Tarit Kanti Chakma Maharaja no je lachimung rimani borok siring siring khe naisik tongwlak hwnwi. Dati dati DM Tarit Kanti Chakma no aroni norya hinkhe Jotto district ni DM habanok Tala khaperewi rinai hinwi bo sakha. Aboni logi logi Maharaja no nakar ma sanai hwnwibo khorang tisakha YTF.
Yango A issue no twiwi Udaipur press clubo bo Press meet khwlaikha YTF bodol. Borog sakha, 96 hour ni bisingo Gomati district ni DM Tarit Kanti Chakma no norya hinkhe jotto DM habanok Tala khaperewi rinai.
Jitendra Chaudhury
Maharaja Pradyot Kishore Debbarma lachimung manjakma no twiwi Kebengnai bodol ni ojama hayakhe Politburo adong Jitendra Choudharybo Siring khe tongmani nukliya. Bo Sakha DM Tarit Kanti Chakma Maharaja tei CEM Purna Chandra Bai je tamung sitra phunukha abo gosiwi naharjakna kokya. Abo belaino selengma singcha hwnwi.
