Ek Bharat Shreshtha Bharat NSS ni theme 2025
Image Source: Social Media
Rwng Swrwngmung ni logi logi Chwrai rok jate Bharat haa no Sinani wngthun tei Bwino chubanani phaisingtwi kha buchanani wngthun. Aboni bagwi Bharat Haphang Joto rwngnogo no NSS Choil khwlaikha.
NSS no kitingwi bisi burum burum no Juda juda Hasteo Palaijagwi tongo NSS ter. Abohaikheno taklai bisiobo Tripura Hasteo NSS ter khwlainani bagwi Agartala Sikha Bhawan ni Youth Affairs Conference hall nogo khwlaijakha Nangkhukmani kokchap panda.
A kokchapmung pandao manjakha thwngmung bedek ni Mantri Tinku Roy. Bono karwi manjakha juda juda bedek ni kolok Kotor adongsong.
A Salni kokchapmungo taklai bisini NSS ter no bahaikhe Naithothok ni bisingtwi pandano pairina abono twiwi Koklam salaijakha tei Taklai bisini NSS ter ni theme " Ek Bharat Shreshtha Bharat" tonjaknai hwnwi koktwma.
