Khoroknwi Tripura ni athukiri khatungjak thwng bedek o
Image Source: Social Media
Thungmung Phaisingo Tiprasa bosong ni Sikla Chwrai rokno twrwk twrwk Swkangwi Tongmani nukjakwi tongo.Salkisa swkang bo TTAADC ni Naharmung Bai Khoroksni Tiprasa Football thung kwrwng rok Madras FC Trial o thangmani.
Abohaikheno Kolkata o thangwi K-1 Kickboxing thungwi Kwplai wngkha Khoroknwi Tiprasa. Birkhung kholao borokno Khum tei Risa Bai lamjaksogwi naharkha Buma Bupha tei Coach.
Winner :
1)Amir Debbarma won in Senior 90Kg category
2)Manish Datta won in U-17 40Kg Category
Aboni yagulo Koktwma thumnai rokni kok swngpinik mungo Kok sanani thangwi Kwplai wngnai A khoroknwi Tiprasa Sikla sakha,Sago muchungma tei Coach kaham khe phurungmani bisingtwi no borok bwthai kaham Manwi ma kiphilkha hinwi.A Thungmung no bwskang toniwi no Borok langmao Swkangwi thana muchungo hinwi bo sakha.
Yango Borok ni buma bupha no swngma thangkhe borok sakha,Chwrai rok ni khao o Thungmung no twiwi muchungmani nugwi borok logi rimani bai Kwplai wngwi Phaikha hinwi.Aboni logi logi Award Federation ni president Bai kok sana ni tangkhe bo sakha, Kolkata simi thungwi Kwplai wngma Bai wngya National International rogo thangwi Thungwi mankhe teibo kaham Wngnai hinwi.Tabuk sak jora Sakbaithang ni rang Bai no Thungwi tongo.Phainai salrogo Phatar Hasteo thungnani nangkhe Haphang ni bwkhaktwi Chubachu rok mankhe belaino Hamnai hwnwi khakajak.
