Sushanta Chowdhury : Chamung, hojak tei Open Quiz Competition
Lukurogno hojak khwlainano twiwi Tripura haphang ni chamung bedekni dalbidal khwlaiwi yapri naharwi tongo. Kraksalo Agartala ni Rabindra Satabarshiki Bhawan ni 2 No Hallo Tripura haphangni chamung, lukusichamung tei paiphalno twiwi nangkukjak khwlaiwi koklam panda khwlaikha.
Abono logi logi a salo luku sicharwmung tei Open Quiz Competitionbo khwlairwjakha. Chati sogwi pandano chengwi rwkha Chamung mantri Sushanta Chowdhury no khobwi kwrwngjak bedekni samung tangnairog.
A salni koklam pandao mantri sakha, ang sakbaithang khao Chongo kerongno simabai simi manthai sokthai joto thum siwi thangnai aboya. Painairog pai-phal no twiwi sina nango tei phalnairogbo kerongno twiwi kahamno Sinani nangsugo.
Koklam pandao a salo tongo Tripra High Court kerongphang Arindam Load, AMC ni Mayor eba MLA Dipak Majumder, chamung bedekni barja naharjak adong Animesh Debbarma, Tripura Gramin Bank ni Chairman Satendra Singh, Sadar hangkor naikolphang Maniklal Dasno khobwi kubuni samung tangnairog.
