TIPRA-HAM Loan : tang samung kwrwi siklarogni bagwi yapri naharkha TTAADC
Srangsalo Tripura ni Manikya Court koktwma thumnairogni panda khwlaiwi TTAADC Haphang TIPRA-HAM (Tripura Indigenous Peoples' Livelihood Resource Assistance and Help For Advancement of Micro-Entrepreneurship) Scheme ni portal no virtual ni bisingtwi phiyogwi rwkha.
TTAADC Haphang swkango sakhwlaijak tongma haikheno tong kosong lukurog eba tang samung kwrwi siklarogni kokno khorogo wansugwi TIPRA-HAM Scheme no phiyogwi rwjakha. Aboni bisingtwi khorok dokrarogno amjokmungni bisingtwi o sepno yapharjaganw.
O scheme o sawi mankha Tripura joto Village Council ni khoroksa khwlaiwi sep rwjaknai tei MDC, MLA, EM ni nukhungni borokno o scheme o chitokjaglak hwnwi swrai swrai khe sakha Tipra Mothani Founder Maharaj Pradyot.
O scheme ni sep tomung nwngbo naharna muchungkhe aro click khwlaidi www.tipraham.in
Tei khaksa bwkhak kebo tomung E-Auto malkhungno Loan ni bisingtwi painani eba naharna muchungkhe TTAADC Haphang Rs 75000/- Direct Bank no pay khainai tei Beneficiary Minimum 15% to 20% hai pay khaina nangnai, logi joto torwkjak rang ni 6% interest.
Chwng sawi mano tabuk twrwk twrwk Petrol, Diesel, CNG ni rangmaribo bangwi tongo ayang bwkhak naisigwino tabukni TTAADC Haphang Clean Tripura, Green Tripura khainani kokmangbo sakha Maharaj.
A sal ni phiyokmungni panda tongo Maharaj Pradyot, TTAADC CEM Purna Chandra Jamatia, TTAADC EM Kamal Koloi no khobwi tei kubuni.
