Azerbaijan Airlines Flight J2-8243 : Flight patimungo kwlaimano twiwi amang chalaijak, rutukmungni samungo ?
Azerbaijan Airlines Flight J2-8243 Kazakh city ni Aktau thaio atomsa nangkukma jora nangkhorphuru hor nangwi thango. O hor nangmabai tabuksa jora khorok nwichichar simi khorok thamchi hai ni langma chokha hwnwi koktwma.
Koktwma sawi mankha o Airlines flight tabuksa jota khorokthamchi hai bansikha hwnwi. Teikhaksa bwkhak baksakhe belai siyari ni bagwi abohai patimung patikha, baksakhe tokbai nanglaiwino abohai patimung patikha hwnwi khao chonglaijak.
Ayang bwkhak Airlines sawi tongo jotowi khorok dokchinwi tei khorok ba Crem member no twiwino Russia bwkhak thangwi tongmani.
Teibo sawi mankha flight o kwsajak kwbangkukno Azerbaijan ni mangno kwbangkuk.
Phiya o patimung no twiwi tongkosong lukurogno hayung ha kotor gwnangwi kha khamlaijak.
Langma chonairogni nukhungno Azerbaijan ni naikol bedek ni kuchuk berem ni samung tangnairog khakama kokbo sakha.
