Tribal Minister Bikash Debbarma : Movement For Kokborok State Level Tring Tipra Era bisi kwtal lelamung sal gosimungni memorandum yapharkha!
Tring Tipra Era bisi kwtal palaimani joto Tiprasarogno sio tei kubuni bosongni bororokbo sio. Movement for Kokborok kraksalo koktwma thumnairogni panda khwlaiwi sakhwlaimani taklai bisi 2023 State Level Tring Tipra Era bisi kwtal Tripura ni Thaipung kotor kami 1433 Tring bisi kwtal palaijaknai eba khwlaijaknai.
Hohom dodom pandani bisingtwi khwlaijago bisi brum brum tei o salno Tripura ni Tiprasa lukurogni bagwi bisi pungma salno twiwi eba bisi kwtal hwnwi gosimung rwnani bagwino o salno kotorkhe palaijago hwnwi sakha MFKni adong Ruhi Debbarma.
Kokthum o sawi mankha MFK ni bisigtwi uram uramno o salno twiwi salsa Tripura haphangni bwkhaktwi lelamung rwnani sanmungno twiwi choba khwlaiwi phaimani bodol. 6th Schedule area ni tabukni haphang Tipra motha phano achukmani ulo abono gosimung rwkha eba lelamung sal sakhwlaimano twiwi kha kaham yapharkha MFK.
Koktwmao teibo sawi mankha 2004 bisini simi MFK songmani tabuksak jora joto bwkhaktwi kahamkhe samung humungrog khwlaijagwi tongo. teibo sawi mankha taklai bisi kwtal o Tripura ni Tiprasa hamkrai mantri Bikash Debbarma, mantri okra Dr. Manik Sahabo gwdalwi mano hwnwi sakha Ruhi Debbarma.
Kraksalo koktwma thumnairogni pando MFK taklai 2023 bisi o bisi kwtal 1433 hwnwi samano twiwibo amang chalaijak tangwi hinmale laiwi thangjak bisiobo 1433 hwnwi sakhwlaijak taklai bisio sakhwlaimabo 1433 bisi. Soi bobo kwlai aborogno twiwi amang chalaijak tongkosong lukurog?
A salni koktwma thumnairogni panda manjakha Vice President Ramesh Debbarma, General Secretary Binoy Debbarma, Finance Secretary Budhiram Debbarma. Org. Sec. Ratan Debbarmano khobwi kubuni samung tangnairog.
