MLA Manav Debbarma(TMP) wngwi nangkukjak koklam achuklaikha: 17 No. Golaghati Constituency

by Gobin Debbarma - Nov 9, 2024 12:20 PM

Chasalo Tripura ni 17 No. Golaghati Constituency ni tabukni MLA Manav Debbarma Tipra Motha Party(TMP) samung tangnai joto VC Chairman no twiwi kokchap panda khwlaikha.

          A salni koklam pandao TMP bodolni bwskangni salo bahaikhe samung akorog khwlaijak tei tongkosong lukurogno bahaikhe haphangni sep akorog kahamkhe yapharwi man aborogno twiwibo koklam salaikha hwnwi koktwma.

          Koktwma teibo sawi mankha TMP bodol bwskangni Movement no twiwibo bahaikhe bodolni adongsongno logi twina nangnai tei thumsakhe yapri senani kokbo sakha MLA Manav Debbarma.

          Manjakha MDC Umasankar Debbarma, Rakesh Debbarma no khobwi teibo bodolni nangkukjak adongrog.