19th April Tripura vote: West Tripura Loksabha chongbari bagwi lam rwkha Brindiyarog tei chongbari ni samung tangnairog

by Gobin Debbarma - Apr 18, 2024 12:22 AM

Sangrongsalo chongbarini samungo thepajak adongrog tei Brindiyarog baithangni vote kendrao lam rwna bagwi Tripura Umakanta rwngnokhwlao kuru kuthum wngmani nukjakha.

Salsa swkang kisa watwi wamabai Tripurao kisa chongbarini samung tangnairog kisa misa jwngjal wngkha hwnwi sakha.

Khursathai kwlaio laiwi thangnai 2019 bisio Loksabha chongbario BJP ni wngwi Pratima Bhoumik(5,73,532), INC ni wngwi Subhal Bhowmik(2,67,843), CPI(M) ni wngwi Sankar Prasad Datta(1,71,826), IPFT ni wngwi Brishaketu Debbarma(44,225), AITC wngwi Maman Khan(8,613) vote mankha.

Loksabha chongbari 2024 west Tripura batainairogni bisingo tongo BJP ni candidate Biplab Kumar Deb, INC ni candidate Ashish Kumar Saha, SUCI(C) ni candidate Arun Kumar Bhaumik, RPI ni candidate Arnab Roy akosong.

West Tripura Loksabha chongbario sabo achukthai mano tabuk abo jorano kok Sanai. Koktwmao sawi mankha 19^th April o phungni dam sni tamphuruni simi sairikni dambrwi jora chongbari naharjaknai hwnwi.