Amit Shah : East Tripura Loksabha chongbari Kriti Devi Debbarma no vote rwma wngkha PM Narendra Modi no vote rwmabai baksa
Tangsalo Tripura ni Kumarghat thwngkholao kaisa BJP, Tipra Motha, IPFT ni kotorma lukuthum panda songsajakha. Swkangni sakhwlaijak tongma haikhe dohom dodomkhe tongkosong lukurog kwrwngkha.
Tripura ni kainwi Loksabha achukthaini bisingo tongo salthang tei salka. O kainwi achukthaiono achukna bagwi keboba dalbidal bodolni samung tangnairog chango ri khawi panthoro nongkhorwi samung tangwi tonglaio. Tripura ni kainwi achukthaio chongbari naharjaknai April talni chichuku tei nwichidok salmario. Aboni bisingo tongo 7 Ramnagar By-Election.
A salni koklam pandao swkango sakhwlaijak tongmahaikhe Kendra nukhung hamkrai mantri Amit Shah Tripura ni kumarghat thwngkhola thangwi sakha
1. Agio Biplab Kumar Deb tabuk Tripura hasteo CM Dr. Manik Saha ni twldulmungni bisingtwi hamkrai khwlaiwi tongo,
2. Tripura hasteo Tiprasa hamkrai khwlainani bagwi haa kotor mantri bokhorok Narendra Modi wansukjak,
3. Tripura haphang, Bharat haphang tei Tipra Motha ni bisingo agreement khwlaimano twiwi yaksi bodol tatal kok pirsawi tongmano sejama,
4. Left Front ni jora twngsa Highway tabukni jora twngchuku highway wngkha Tripura haa o,
5. Narsinghgarh International Cricket Stadium daktino International thwngnairogno nugwi manai Tripura haa o,
6. Tripura Bru Reangrogno dalbidal jwngjal tongmano Kendra haphangni sep yapharjakha tei package yapharjakha PM Narendra Modi ni bisingtwi.
7. Tripura ni Maharaja Bir Bikram Kishore Manikya Bahadur bisi kwdwkma romwino muito khursajakya tongmani phiya BJP haphang phaimani ulo aboni borom yapharkha,
8. Salka babai Loksabha Chongbari Maharani Kriti Devi Singh Debbarma no vote rwma wngkha PM Modi no vote rwmabai baksa.
Abono karwibo a salo teibo nangkukjak koklam sakha Nukhung hamkrai mantri.
Alaida khwlaiwi a salo Tipra Motha Party ni Founder Maharaja Pradyot Bikram Kishore Manikya Debbarma no Tripura hamkrani koklamno karwibo kwbangkuk khwlaiwi bodolni phan tei Tiprasa no teibo hamkrai rwdi hwnwi sakha Kendra ni nukhung hamkrai mantrino.
Pandao lukurogno kwbangkhe kuthumani nukjakha tei Tripura hasteni BJP ni samung tangrogno karwibo Tipra Motha party adongno khobwi East Tripura Loksabha ni candidate Kriti Devi Singh Debbarma.
