Suresh Gopi tei Bikash Debbarma kokchapmani bisingtwi Tiprasa hamkrai no twiwi yapri naharjaknai !
Kraksalo Tripura hasteo puila thangwi sogwikha Kendra mantri Suresh Gopi. Nokha saltham ni beraimungo Tripura hasteni beraikhiri bedek o bahaikhe teibo hamkrai tubuwi man ayang bwkhak naisigwino o yapri tei haste hamkraino twiwi.
Tripura hasteni beraikhiri bedekni mantri Sushanta Chowdhury Melaghar ni bubagra molni Twijilikma thaio twlangwi phunugwikha. Khatung khajani kokmangbo sakha kendra mantri. Teibo sawi mankha Twijilikma thaio Tokey swnani kokrogbo.
Teikhaksa bwkhak Kendra ni beraikhiri, Petroleum tei Natural Gas bedekni mantri Suresh Gopi malaikha Tripura ni Tiprasa hamkrai mantri Bikash Debbarmabai.
Khursathai kwlaio alaida khwlaiwi Tripura ni Tiprasarogni bagwi nangkukjak khwlaiwi tangsamung rwnanino twiwi koklam salaikha hwnwi social media o sakha Tiprasa hamkrai mantri Bikash Debbarma.
Srangsalni sanja bwkhak Tripura hasteni mantri okra Dr. Manik Sahabaibo malaiakha kendra mantri. Tei daktino hamkrai yapri senani koklambo salaikha hwnwi koktwma.
