Tripura Frontier BSF : Border joto samung humungbai baksa teibo nangkukjak yapri naharnai
Tangsalo kaisa koktwma thumnairogni panda khwlaikha Tripura Frontier BSF brindiyarog. A salo BSF ni dalbidal hamkraini bwthai manma tei dalbidal jwngjal tongmani kokmang sawi khwnarwkha. Alaida khwlaiwi bwskangni salo tei tamo tamo khwlaiwi man thinango aborogno twiwibo koklam sakha.
Tripura Bangladesh ni khaktham bwkhaktwino twiduljak. Aboni bagwi kwbangma jwngjal kotor kotor achaimani tei abono karwibo nangkukjak khwlaiwi kwbangma raida chayakhe Bangladesh haa o twlangma siddi, phekjaknai manwi khwnwi tei musuk khogwi twlangmarogno yaphao chopma aborogno sakha BSF.
Bwskangni salo Civic Action Program no khobwi Tripura kwbangma kami amchairogo swrwngnai cherairogno sicharwmungni samung bwtang akorog khwlaijaknai hwnwi sakha BSF samung tangnai.
