Tripura haphang: maikhul ni bisingtwi teibo hamkrai yapri naharjak
Chasalo kaisa pandani bisingtwi Tripura ni Jolaibari Motorstand o khwlaikha hohom dodomkhe panda. Tripura haphang chamung, hukbar tei hukbar hamkrai bedekni thumsakhe luajimung khwlaima panda.
Maikhul paithani tongkosong lukurog bahaikhe hamkrai tubuwi man ayang bwkhak naisigwino o samungni yapri naharjakmani.
Pandao tongo mantri Sushanta Chowdhury, mantri Ratanlal Nath, mantri Sukla Charan Noatia, Pramod Reang, Rajibe Debbarma no khobwi tei kubuni samung tangnairog.
A salo kok narwkna thangwi mantri Sushanta sakha, bwskangni salo teibo abohaikhe haphangni bwkhaktwi yapri naharjak tong kosong hukbar khwlainai lukurogni kokno wansugwi.
Abono karwibo a salo tong kosong lukurog haphangno abohaikhe yapri naharmano twiwi tongthokmungni kokbo sawi khwnarwkha.
