ICA EM Suhel Debbarma barja manmani ulo Tiprasa media khwlainairogbai koklam
Srangsalo TTAADC ni ICA bedekni wngwi kaisa nangkukjak panda khwlaikha Media o samung tangnairogno twiwi. A salo dalbidal house ni samung tangnairog pandao kwrwngkha. Panda khwlaijakha Naruwai tongthai(Tourist Lodge). A salo tabuk ni Digital mol o Electronic, Print tei YouTube khwlaiwi tongnai eba samung tangwi tongnairogno bahaikhe teibo kahamkhe koktwmarog awai khwlaina nang tei Content swithani tamo tamo khwlaiwi swina nangnai. Abono karwibo alaida khwlaiwi TTAADC haphangni bwkhaktwi bahaikhe YouTube khwlaiwi tongnairogno bwkha bacharwui man eba krak yapri naharwi man ayang bwkhak naisigwino yapri naharjagwi mano hwnwibo kokthum.
Tei khaksa bwkhak TTAADC ni bisingo tabuk kwtal khwlaiwi Mediarogo Tiprasarogno kwbangkuk gwdalmani nukajagwi tongo. haiphano kokthum o abohai hwnwibo sawi mankha 6th Areas o kwbangkuk khwlaiwi YouTube channel no bangkugo. Abohairogno twiwi thinango eba bwskangni salo workshoprogni yapri naharna bwkhak TTAADC ni ICA bedek. Abono karwibo teibo kotorkhe wansukmungrog wngkha TTAADC ni bisingo tongnai kwbangma news channelrogno raidani bisingtwi bahaikhe thinango rang puisa eba enlistment rwui man ayang bwkhakbo yapri naharjagwi mano hwnwi kokthum.
Puila ICA o TTAADC Youth Affairs ICA ni EM Suhel Debbarma barja manmani ulo Tiprasa Media o samung tangnairogbai malaimani abono puila koklam panda kwrwngmani. A salni pandao tongo TTAADC Youth Affairs ICA ni EM Suhel Debbarma, Angshu Debbarma, Ranjit Debbarma khobwi tei kubuni samung tangnairog. Alaida khwlaiwi doltham bodolni eba TIPPA, Khumulwng Press Club tei Tiprasa Media Forum ni adongrogbo pandao kwrwngkha hwnwi kokthum.
