Bahaikhe teibo kami amchairogo hamkrai khwlaiwi man ayang bwkhak naisigwi yapri naharjak : Montri Sukla Charan Noatia
Tangsalo kaisa nangkukjak koklam panda achuklaikha LAMS tei PACS ni adongrogbai. Nangkukjak khwlaiwi tongkosong lukurogni kokno khorogo wansugwino o yapri naharwi tongo hwnwi koktwma.
Mol swlaijakmabai baksa baniya khwlaimani tonghalokrogbo swlaimung phaimabai baksa juda juda khwlaiwi yapri naharna bagwino montri ni o wansukmung.
Teikhaksa bwkhak bahaikhe LAMS tei PACS ni tangnokni samung tangnairog tongkosong lukurogno sep sab yapharwi man tei bahaikhe koklam akorog sana nangnai. Alaida khwlaiwi tongkosong lukurog bahaikhe o sepno manai aborogno twiwi koklam salaikha hwnwi koktwma.
Tongkosong lukurog khakalaijak dakti o sep akorog mananw hwnwi.
A salni koklam pandao tongo montri Sukla Charan Noatia no khobwi tei kubuni samung tangnairog.
