Industry tei commerce montri Shantan Chakma : Tripura joto hangkhor o naharjak kwtal yapri
Sangrongsalo Tripura Bidhansabha ni nokha salnwi ni salo Hasteni joto district o industrial zone swnamna bagwi initiative najakha Tripura haphangni bwkhaktwi. Swkang Khowai amchoi o industrial zone swnamnani proposal tongo. Aboni bisingo 127.09 acres thaio Shantirbazar o South Tripura amchai ni yago yapharjak kha kwtal tangnok.
Bidhan sabha o opposition ni leader ni swngmungni swijak kokphirokmungo Industry tei Commerce montri Santana Chakma o kok no sakha, Bodhjungnagar o 12 low cost shed tei R.K nagar industrial amchaio 28 market stall swnamjak kha oh field o chubana bagwi.
Industry tei Commerce montri sakha, hasteni swrwngjak samwng kwrwi sikla siklirokno sak baithang ni yaungbai bachanani bagwi juda juda central projectrogo bankni thani grant rwjagwi tongo.
Abohaikheno haste haphangni sak baithang chukjak scheme ni bisingtwi kwbangma samung kwrwi sikla siklirokno rwjagwi tongo samung akorog.
Grants ni bisingtui bisi brúm brumno hasteni juda juda industrial zone o nangkukma thai/shed rwjago. Alaida khwlaiwi hasteo PM-Vishwakarma scheme ni bisingtwi chongjak kai chichar(18) tradeo samung tangnairokno mwthangwi narwkmani , Hasteni khorok sarachukuchisa 191 Artist rok joto Rs 2577.58 Lakh Loan mankha juda juda Bank ni.
