Tangsalo TTAADCni bisingo khobjak Tripura hasteni hathai kotor Khumpui Academy School thangwi naikha kwtal CEM Runile Debbarma. Abohaikhe CEM yapri naharma bagwi rwngnokni phwrwngnairogni simi chengwi amchaini tongkosong lukurog belai khatwtwng wngjaklaikha.
Rwngnokni kwbangma jwngjal tongmarogno bwskangni salo dakti hamkrai khwlainai hwnwi phwrwngnairogno kok rwkha. Abono karwibo TTAADC rwngnokni phwrwngmungni tangdal daktino swlaimung tubunani tei hamkrai tubunani koklambo sakha. Phwrwngmung eba swrwngmungno hodani twngsasusu phiyokmungni lam.
A salo tongo rwngnokni phwrwngnai bokhorok no khobwi kwtal MDC Jiten Debbarmano akosong.
Teikhaksa bwkhak a salo CEM Hostel o habwi swrwngnairogbai koklam salaikha, tei jwngjalni kokmang akorogno swngmani nukjakha.
