Khatung khajani bisingtwi Janthum English Medium H.S. School phiyogwi rwkha TTAADC CEM Runiel Debbarma. A salo damsa sakao siritini Tiprasa hodani mwsamung akorogrog phunukjakha.
Kwtal swnamjak o school buildingni samung khwlaima tei naithothokhe samung tangmarogno twiwi kok salaimani nukjakha. O yapri naharma Schoolni kami amchaini swrwngnairogni bagwi belai nangkukma. Aboni samung khwlaithanibo kisa misa jwngjal achaiwi mano, aboni bagwi mungsa wanana kwrwini koklambo sawi khwnarwkha mwchang CEM Runiel.
Khursathai kwlaio, ADCni joto rwngnok tabukni simi English Medium wngnani kokbo sakha CEM.
