Rwngni yaprino krak khwlainano twiwi Khumulwngni Janmejoynagar rwngnokni swrwngnairogno twiwi tei buma buphasongno twiwi kaisa nangkukma koklam panda khwlaikha. Tripura haphangni rwngni pohorno teibo krak khaiwi tisana bagwi dalbidal khaiwi samungni barja naharwi yapri sejak.
Koktwmao sawi mankha daktino swrwngnairogi bagwi Hostel swnamjaknai. Tiprasa kami amchaini kwrwi bigrarogni kokno khorogo wansugwino o yapri naharjakha.
Abono karwi amchaini lukurogno Hostelno twiwi sal kolokma romwino sanmung tongmani, bisi kwdwkma naisingmani ulo tabuk aboni yapri manwi belai khakchanglaikha tei khatunglaimani nukjakha.
