Tripura hasteo bijap ter kwbangma joraono Tripura haphangni bwkhaktwibo panda akorog khaijagwi tongo. Abohaikhe kwbang Non Govtni bwkhaktwibo abohai bijap ter khwlaijago. Thangnai 21st Julyni simi panda chengjakmani. O panda tonganw 23rd July jora. Thai Dasarath Hukumu nok, Supari Bagan(Agartala)
Sathai kwlaio, o bijap ter Tripura hasteni athukiri hwnwi sinijak borom gwnang Nanda Kumar Debbarmani achaima salbo naithothokhe palaijakha. Swimungni haphar thinango phuwarjakna, rwchapmung, koktang koklop akorogbo phunukmari kahamkuk khwlaiwi nukjakha.
Panda bwtango tongo:
1. Seminar:
Paithak salo pandao manjakha
a) Mg. Madhusudan Debbarma, Swikwrwng
Topic - "Kokborok Kokrwbaio cherairokni thwngmung
b) Mg. Rabindra Debbarma, Assistant Professor. Topic - Nanda Kumar Debbarmani koklopno cherwi naimung
c) Dr. Biplab Debbarma, Assistant Professor. Topic - Kokborok kokrwbaio koktangni achukthai
d ) Mg. Bhaskarjyoti Debbarma, Assistant Professor. Topic - Kokborok kok tei kokrwbai
2. Cherai bwsa rokni koktang,
3. Koklop khuktanglaimung,
4. Quiz akorog.
