Paithago school muthupnani wansukmung naharkha Tripura haphang, sakhwlai social mediao Tripura CM

by News Desk - Mon Jan 05 2026 12:07:35 GMT+0000 (Coordinated Universal Time)

Tangsalni sairik bwkhak Tripura CM Dr. Manik Saha baithang social media belai kwchangmani bagwi school muthupnani wansukmung naharkha. Muthujak tonganw 6^th Januaryni simi 10^th January 2026 jora.

Khursathai kwlai sal kisa swkang Tripurani TTAADC Education Department school muthupnani sakhwlaimano dalbidal kokmang achaijakbo tongmani tei baksa o yapri naharkha lamsoklaimanibo nukjakha.

Aboni yagolo Tripura haphangbo o yapri naharjak chakukhamu hwnwibo khakajak tongmani rwngnokni buma buphansong. Paithago kubui khwlai muthupkha rwngnok.