Kraksalo Tripura hasteni CM Dr. Manik Saha Dhalai hangkhor thangwi dalbidal hamkraini samungo yapri semani nukjakha. A salo rwng, sakham tei laharni hamkraini samung bwtang yapri sewi kwbangma lukurogni sanmungni koklambo sawi khwnarwkha.
Halahali kuchuk rwngnokni simi joto bwkhasteni kaichiba holongthongno phiyogwi rwkha. Abono karwibo hamya manwi khwnwi khibijak akorogni bagwibo khungchar malkhung bakmani nukjakha.
Pandao tongo MLA Manoj Kanti Deb, Susmita Das tei Policeni kuchuk beremni samung tangnairogno khobwi tei kubuni.
