Tripura haphang rwngni yaprino teibo pirsarwnani chaitokjak tei hoda dopha kaham khwlaiwi tisanani bagwi juda juda khwlaiwi yapri naharwi tongo. Abohai mangpilino nukjakha Tripura hasteni Uttar Tripura Kashiram Para Great India Talent Schoolni kwtal swnamjak nok phiyogwi rwkha montri Ram Pada Jamatia tei Governor Indra Sena Reddy Nallu.
Panda Tripura hasteni sirisitini mwsamung akorogbo phunukjakha.
Governor sakha, thinango tomung hoda dopha hamkrai khwlainani hinkhe nango rwngni pohor, aboni bagwi chwng joto thumsakhe chaitoklaina nango.
A salni pandao amchaini MLAno khobwi tei kubuni samung tangnairog.
