Koktisalo Tipra Motha Partyni bwkhaktwi Khumpuilwngo kaisa kotorma rally eba him botok khwlaimani nukjakha. A salobo hainohai kubuni salni haikhe hohom dodomkhe lukurogno rally kwrwngmani nukjakha. Manjakha TMP bodolni wngwi batainai Purna Chandra Jamatia no khobwi tei kubuni samung tangnairog.
Khursathai kwlaio, Bwskang ADC Election 12 Aprilo, tabukni o molo kwbangma lukurogni khuktwi samano rwksawi TMP bodolno haphang swnamnai ADCo hwnwi salaimani nukjago kwrwng kwrwng kamini bwkhaktwi, phiya jorasi swrai swrai khwlainai hwnwi baksa baksa wansuk kwrwngrog khakalaijak.
A salni rally khaksa bwkhak naisigwi naikhe bwrwirognobo kwbangkhe kwrwngmani nukjakha. Joto palbaksakhe phaidi TMP haphang swnamnani jora rwlainai hwnwibo khorang tisamani nukjakha.
