Sangrongsalo hohom dodom khaiwi Tripura hasteo kaisa kotorkuk panda Business Conclave 2026 khaikha. O panda nokha salnwi romwi tonganw. Tripura hasteni CM Dr. Manik Saha tei kubuni MLA akosong manjakmungni bisingtwino chengwi rwkha panda.
A salo pandao manjagwi CM sakha, Tripura hasteni kwbangma hamkraini koklam tei thinango samung akorog khainani belai hamkukmungni kokbo khursawi sakha. Abono karwibo Tripura hasteo tongo Natural Gas, Rubbar, GI Tag manjak Queen Pineapple, Fish Feed Factory abohai kwbangma tongo teibo Tourism sector, sakhamni tangdal.
Alaida khaiwi kok sakha Minister Santana Chakma, Tripura bwskangni salo kotorkuk chamung wngnai. Aboni bagwi tabuk tongkosong lukurog jora simi naisinglaijak.
Pandao kwrwngkha kubuni ha kotorni adongrogni bisingo tongo Chili, Bangladesh, Nepal, Uzbekistan no khobwi tei kubuni.
