Bisi brum brum kwbangma samung pailaiyani bisingono Khet Bachao Abhiyan panda khaikha Haryanani Rewadi District. A salo amchaini hukbar khwlainairogbai dadak sidakhe koklam salaikha tei borongi jwngjalni kokrogbo khwnakha Shivraj.
Thinango bahaikhe teibo hukbar khwlainairogni hamkrai khwlaiwi man aborogno twiwino o samung bwtangni koklam sawi khwnarwkha. Abono karwibo bahaikhe kisa rangbai hukbar khwlainairog tei hamkrai wngwi man, a koklamno twiwi yapri naharnani koklambo sakha Minister.
Alaida khaiwi a salo hukbar khwlainairogni bithi berai tei manwi khwnwi yapharkha.
