6th Schedule Area ni koktwma thumnairogni hamkraino twiwi wansukjak : TTAADC Haphang

by Gobin Debbarma - Oct 12, 2024 11:31 AM

Phasalo Tripura ni 6^th Schedule area ni Naruai tongthai Hall o koktwma thumanairogni hamkrai ni kokno wansugwi koklam salaikha TTAADC Haphang.

Khursathai kwlaio, 1982 TTAADC songchajakmani ulobo bisi kwdwkma romwi Tiprasa koktwma thumnairog belai helengsasa tongmani. Phiya tabuk 20 century ni jora aroni koktwma thumnairogni bedek berdung tei kisa bangmani nukjakha hwnwi koktwma.

TTAADC tabuk TIPRA MOTHA haphangno achukmani ulo nangkukjak khwlaiwi koktwma thumnairogni kokno khorogo wansugwi yapri naharjaknai tei dalbidal sep-sab yapharnani kokbo sakhwlaijak tongmani.

Osa mwtai ni salno rwksawi salsani koklam salaima pandao Tiprasa koktwma thumanairog a salo kwbangma no kwrwngkha. Tei sanmung tisakha koktwma thumnairogni hamkrai, mwthangmung, sebuk chitokmung teibo dal kwbangkukno twiwi koklam salaikha.

Pandao kok narwkna thangwi TTAADC CEM Purna Chandra Jamatia sakha

·      Media Health Insurance

·      Accreditation Card

·      Newspaper

·      Press Club New Building

·      Advertising Policy akorog.

O sanmungrogno jeswk mansak ADC Govt. dakti dakti yapri naharjaknai hwnwi kok rwkha. Aboni bisingophano ADC ni bwkhaktwi Accreditation Card just temporary card bwskangni salo daktino yapri naharjaknai.

Koklamo kwrwngwi Khumulwng Press Club Secretary Ranjit Debbarma sakha Media samung haino ereng samung phunugwi ajinani lamaya. Aro 10^th Class failed wngkheno Mediao samung khwlaiwi ajinani lam hwnwi ta wansukdi hwnwi khuk khengkha. Abono karwibo bwskangni salo media roles tei regulation swlaimung tubuwi mano hwnwibo sakha.

Kwcham koktwma swinai Samir Debbarma kok sana thangwi sakha advertising policy chwng govt. enlistment khaithani mungsa kha koinani kwrwi tei khabo koinani kokya. Chwng naisinglaijak hwnwi sakha.

Pandao manjakha TTAADC CEM Purna Chandra Jamatia, EM Suhel Debbarma, Khumulwng Press Club Secretary Ranjit Debbarma, Manas Debbarma(Asst. Sec.), Kokborok Media Forum President Samir Debbarma, Sailen Kalai(Vice-President) akorogno khobwi tei dalbidal media house ni samung tangnairog.