6th Schedule Area 125th Amendment : ATMM Northeast States daktino choil wngwi mano !
Tangsalo Delhi o Northeast India ni bisingo khobjak dophani sanmung, laibumabai kwrwngjak sanmungno twiwi koklam achuklaikha Salka babai hasteni nangkukjak adongrog. 6th Schedule bisingo khobjak thai, laibuma tei hukumu mwthangmungno twiwi kok salaikha.
Tripura ADC ari amchaio bahaikhe teibo secure khaiwi man ayang bwkhak naisigwino yapri senai tei tomung chwng next generation mungsaswk kwlangwi mankhe chinino thinang kaham wngnai Land Right, Political Right tei Financial Right abo belai nangkukjak hwnwi teibo abono yaphao chopnani sakha Tripura hasteni Maharaja Pradyot Bikram Kishore Manikya Debbarma.
Koklam pandao tongo Northeast hasteni khorokchi CEM ni bisingo khorok dok CEM no khobwi tei kubuni samung tangnairog. Koktwmao sawi mankha 125TH Amendment rwnano twiwino o koklam.
