Baryl Vanneihsangi Tlau: Zoram People’s Movement wngwi kwplai Mizoram chongbari
Aizawl South III constituency 9,370 Votebai kwplai wngkha Baryl Venneihsangi Tlau Zoram People’s Movement bodolni wngwi. Khatungmani nukjakha bo kwplai wngmano twiwi. Tei khaksa bwkhak bini kebengnai wngwi jotowi 7,956 vote manwi kecheng wngnani nangkha Mizo National Front F. Lalnunmawia.
Mizoram Assembly Election jotowi achukthai tongo kaibrwichi(40 Seat). Aboni bisingo Zoram People’s Movement(ZPM) kai nwichisni(27 seat) yaphao chopkha, Mizo National Party kainwi(2 Seat) mankha, Congress kai sa( 1 Seat) yaphao chopkha.
Teikhaksa bwkhak hasteni Bidhansabha chongbari khoroktham bwrwi candidate manwi khatunglaijak lukurog. Kokthum no rwksawi salka babai hasterogni bisingo tabuk twrwk twrwk bwrwirogno rwngthwngni hapharo nongkhormani nukjagwi tongo.
