Cyclone Remal: Jwngjalo kwlaijak thanglaisu khwlainai malkhung kologo kwsajakrog !
Cyclone Remal: Jwngjalo kwlaijak thanglaisu khwlainai malkhung kologo kwsajakrog !
Thakplaiya watwi wamabai Northeast ni Haflongo train kwchajak. Jwngjal kotoro kwlaijak thanglaisu khwlainairog. Cyclone Remal ni patimungo kwlaiwi Tripura hasteobo aboni kobolmung kisa misa kwlaikha.
Khursathai kwlai, Baksa baksa Train o kwsajak adang madang ni bagwi Guwahatio kiphilwi thangmani ulobo nobar kotor manjagwi jwngjal kotoro kwlaijak hwnwi koktwma.
Amang chalaijak Tripura ni lukurog teibo jwngjal da achailangno. Tangwi hinkhe nokha talsa baryakhu hasteo Petrol ni jwngjal kotor achaijak tongmani. Aboni bagwi Tripura haphang daktino aboni yapri sena wngthun hwnwi kwbangma social media akorogno koimung rwlaijak.
Saidra twima kotor twrwk twrwk twi torwi gana gini tongnai tongkosong lukurogbo, gana ginini rwngnok o thangwi tongwino nangkha hwnwi koktwma.
