Haphang ni malkhung sinimung rwui Drugs raida chayakhe twlangwi tongma jora romjakha khoroknwi sikla
Kwtal khwlaiwi tabuk sikokrog panthoro nongkhorwi samung tangmani nukjagwi tongo. Tripura Police salbrum brumno rutukmungni samungo yapri beraiwi thakplaiya samung tanglaiwi tongo tei chasamungbo manwi tongo.
Tripura haste o Drugs, brown sugar tei kwbangma phekmungbai gwdaljak manwi khwnwirog mwnak lamatwi lairwui tongo tei aboni bagwi Tripura dophani siklarog mwnak lamao koboljak tabukni o jora. Aborogno kasuna bagwi hor-sal sapung-hopung rutukmungni samungo nongkhorwi tongo Tripura Police tei brindiyarog.
Tabukni o patimung North east Tripura hasteo. Malkhungo haphangni name plate thepawi raida chayakhe Drugs lairwnai khoroknwino yaphao chopkha Agartala East Police Station ni brindiyarog.
A salo thanani Police sakha, abohai malkhungo kotor kotor bororokni mung thepawi drugs phalkhe kebo khoroksa mungsa eba Policerogphano sawi manglak hwnwino o yapri. Huijak koktwmani bisingtwino chwng borogno yaphao chopkha. Romjaknairogni Mung Kanu tei Tapash. Tei sakha bwskangni salo abohai krak yapri teibo naharjaknai hwnwi.
