Railway: Tripura ni kwrwngtham thaio phiyokmungo tonganw Tripura ni mantri okra Dr. Manik Saha

by Gobin Debbarma - Oct 10, 2023 11:48 PM

Phainai October talni chiba salmarini simi Mumbai jora Lokmanya Tilak-Kamakhya express Railway choil wngnani bwkhak. Abono karwibo a salo Agartala ni simi Sabroom jora Demo Train tei Agartala Railway Station ni kwtal duglam phiyokjaknai. Aborogno twiwi Northeast Frontiers Railway General Manager Chetan Kumar Shrivastava kraksalo tangkranogo Tripura ni mantri okra Dr. Manik Sahabai malaikha tei kwrwngtham thaiono phiyokmungni pandao tongnani koklam salaikha. Malaimao kwbangma Railway ni hamkraini koklam salaikha. 

A salo Shrivastava sakha, o bisini November ni bisingo Kanchanjanga Express Tripura ni Sabroom jora thangnai tei 2024 ni bisingo Badarpur simi Sabroom jora chwng pherang ni train choil wngnai.

Teikhaksa bwkhak koklamo Tripura ni chwng pherang mantri Ratan Lal Nath no Udaipur tei Teliamura ni Rail station ni chwng pherangni samung dakti pairwna bagwi sakha mantri okra.

A salni koklam pandao tongo chwng pherang mantri Ratanlal Nath, Railway bedekni kuchuk beremni samung tangnairogno khobwi tei kubuni samung tangnairog.