Tipra motha tei NLFT tangwi malaikhe Tripura hasteni Tiprasa hamkrai montri Bikash Debbarmabai ?
Kraksalo Tripura ni Tiprasa hamkrai montri Bikash Debbarma bai malaikha National Liberation Front of Tripura(NLFT) kiphilnairog tei Tipra motha ni adong.
A salni koklam o bwskangni salo dakti dakti khwlaiwi bwswk joratwi hoda hamkrai ni bagwi samung kahamkhe yapri sewi man ayang bwkhak naisigwino kwrwngmani montri Bikash bai hwnwi koktwma NLFT tei Tipra Motha ni achukphang.
Phiya baksa lukurog salaio bwswk joratwi kubui mango swlaijakno abole jorano kok sanai. Hokang twiwi yapri naharmani abobai da phaljaknai eba abobai da hamkrai wnglangno?
Alaida khwlaiwi TTAADC ni hamkrai ni kokno twiwino bahaikhe teibo samung kahamkhe khwlaiwi man aborognobo kok tisakha hwnwi koktwma.
A salni koklamo tongo TTAADC MDC Bidhyut Debbarma, NLFT ni kuchuk berem ni samung tangnairogno khobwi tei kubuni.
