TTAADC Kherengbar Hospital daktino kwtal building mananw lukurog
Kokthum o thangnai Covid ni jora TTAADC haphang no Tripura haphang swkangno rang rwjak tongmani. Lukurogni kokno khorogo wansugwi TTAADC ni kherengbar sakhamnok daktino manai. Bisi kolokma romwi o buildingrog mungsa khwlaijakya wngwi tongmani. Paithago lukurog kaham sep naharwi mananwi hwnwi khao chonglaijak.
Tiprasa hamkrai montri Bikash Debbarma tabuk joto bwkhaktwi Tiprasa hamkraini kokno wansugwino samung khwlaiwi tongo. abohaikhe srangsalobo TTAADC ni kotor sakhamnok hwnwi sinijak Kherengbar sakhamnok bwswk samung khwlaijakha aborogno cherwi naikha.
Samung khwlaithani dalbidal jwngjal tongwino mano tei bwswk bisini eba bwswk tal nangno aborogno jai jai khwlaiwi chethorwi naina bagwi thangwi joto kokthum naharkha montri.
A salo berai naimungo logio tongo TTAADC CEM Purna Chandra Jamatia, tei kuchuk beremni samung tangnairog.
