TTAADC Khumulwng park o daktino phiyokjakna bwkhak thangwi tongo Tourist Cottages
Tripura hasteo tabuk kwbangma naithothok berailwngo beraikhiri khwlainairogni khano sotona bagwi dalbidal yapri naharwi samung tangmani nukjagwi tongo. aboni samung bwtang Tripura haphangno jai jai khwlaiwi yapri naharwibo tongo hwnwi kokthum.
Tabukni o mangpili Tripura hasteni bisingo khobjak eba 6th schedule area ni bisingo khobjak Tripura Tribal Areas Autonomous District Council ni head quarter gana Khumulwng Park. O park Tripura hasteni bisingo belai naithok park hwnwibo sinijagwi tongo. bisi brum brum no lukurog o berailwngo bisi kwtal ni salo kwbangkhe kuthumani nukjagwi tongo. Abono karwibo o berailwng jotoni swlai haphangno kwbangma ajimung rwnai hwnwibo kokthum. TTAADC haphang ayang bwkhak naisigwi teibo lukurogno kha sotona bagwi naithothok khwlaiwi swnamwi tisawi tongo.
Khumulwng park o jotowi tourist cottages tongo khungchi. O cottage no taklai bisini simino samungo thepawi mananw hwnwi khao chonglaijak TTAADC haphang. Aboni bagwi krak naikini khwlaimani bisingtwino samung khwlaijagwi tongo. Tangsalo aborogno naina bagwi thangwi sogwikha TTAADC EM Tourism montri Kamal Kalai.
Tripura hasteo kwbangma berailwng tongo. phiya Khumulwng Park no bwskangni salo teibo naithothokhe nugwi manai. Tripura ni capital Agartala bai jotowi 18.9 KM tei cottages ni service akorogo naharwi manai.
