Kokborok subject no mwthakna naima eba hanang pinang tabukni BJP-IPFT haphang?

by Gobin Debbarma - Jun 27, 2023 2:46 AM

 Srangsalo TSU/SFI ni bwkhak Tripura Central University o  kaisa memorandum yapharkha kokborok subject ni entrance jwngjal wngmano rwksawi. Kokthumno rwksawi Kokborok Entrance test ni bagwi City Intimation list ongkhorkha 1st June 2023 phiya June talni nwi salmario teiwaisa city intimation list ongkhorkha aro kokborok entrance ni list se kwrwikha eba nongkhorliya. Kokborok entrance 7^th June wngkha, phiyaba 200-300 students ni admit card ongkhorliya, tei khaksa bwkhak out of state exam kwlainairog thangnani bagwi flight ticket khwlaijak phiyaba admit card ongkhorliya bagwi exam rwna thangmanliya tei flight ticket khaimani rangbo twi o kochok kha. Admit ongkhoryani matter no twiwi NTA o contact khwlaina try khailaibo contact khwlaimanya exam rwnai studentrog. Tomung NTA o call khaiwibo call mankhe nwng simiya nwnghai kwbangma students tongo abohai jwngjal ulo haino soi wngnai hwnwi sajakgu mungsa kaham solution manya bedekni bwkhaktwi.

Kokborok exam rwnairog Tripuranino, hinkhe tangwi exam city Tripura ni phatar hasteo khikwlai? aboni bagwi kwbangma studentrog rang kwbang kwbang khochokha. Amohai Jwngjal no nugwi TSU Central Committee ni wngwi Tripura University ni VC ni aro deputation rina bagwi  jora sanmang sanmang manya wngwi paithago jora mankha. Vice Chancellor  sakha kokborok subject ni MA Wngnai National Testing Agency telangya phanu Tripura University Telangnai tei patar hasteo Tamoni bagwi kokborok ni bagwi entrance  rina thangna nang hwnwi TSU swngkhe VC sakha Tripura kaham manwi khwnwi kwrwini bagwino phataro thangwi studentrog exam rwna nango hwnwi dadak sidakhe sawi rwkha. Paithago TSU ni GS Sujit Tripura sakha o jwngjal wngmani TSU mungsatwiphano gosiwi naharglak, Kokborok subject ni Entrance Tripurao wngna wngthun eba wngna nangnai tei kubuni subjectrognibo Tripura wngkheno kaham wngnai.  

O deputation o manjakha TSU Central Committee ni General Secretary Sujit Tripura, kamaljit Murasing, Trishan Debbarma,Ankit Murasing SFI ni Kouchik Patari Akongsong.