Biplab tei Dipak : Loksabha chongbari , By-Election ni chongbwlai yapharkha
Srangsalo rally kotorma khwlaiwi BJP ni candidate salthang Lok sabha ni Biplab Kumar Deb bwkhaste naikolphang eba Returning Officer Dr. Bishal Kumar ni thani chongbwlai yapharkha. Tei khaksa bwkhak 7 Ramnagar By-Election ni candidate Dipak Majumderbo yapharkha chongbwlai.
Koklam sana thangwi Tripura haste teibo chwngsasa khwlaina hinkhe nangnai jotoni chubachu. Abohaikhe tini ang sakbaithang BJP ni candidate Biplab no chubama haikhe bwskangni salo norogbo chubachu khwlaidi pal baksakhe. Salka babai hasteni achukthaibo ani mwnaino kwplai khwlaidi.
Chongbwlai yapharthani BJP bodolni samung tangnairogno karwibo manjakha Tripura ni mantri okra Dr. Manik Saha, Haryana mantri okra Nayab Singh Saini, Haryana kwcham mantri okra Manohar lal Khattar tei Tripura ni Maharaj Pradyot Bikram Manikya bahadur Debbarma.
O chongbwlai yapharthani tongkosong lukurogno kwbangkhe kuthumani nukjakha. tabuk lukurog jorano simi naisinglaijak.
