BJP bodol Tripura Panchayet Election achukna bwkhak phano, Rally kotor khwlaiwi kwlwirwkha Agartala
Sangrongsalo Agartala agulio rally kotor khwlaiwi hohom dodom eba dolma dolsakhe himbotok khaikha BJP.
Khursathai kwlaio sal kwdwkmani ulo Tripura Panchayet Election wngnani bwkhak thangwi tongo tei joto rwngthwng bodolni samung tangnairogno chango ri khawi panthoro nonkhorlaijak.
Koklam sana thangwi mantri okra sakha, Bwskang 8th August Panchayet chongbari haikhe BJP no phan no achuknai tei mungsa kirina kok kwrwi.
A salni him botok pandao tongo Tripura hasteni mantri okra Dr. Manik Saha, Mayor eba MLA Dipak Majumder, BJP Pradesh achukphang Rajibe Bhattacharjee no khobwi tei bodolni samung tangnairog.
