CEM Relief Fund rang yapharkha Tripura Hukbar bedek o sebuk khwlainairog
Srangsalo Tripura o sal kisa swkang belai watwi waui nok baimani tei langma chonairogni kokno khorogo wansukgwi 6th Schedule Area eba TTAADC Agriculture hall o kaisa nangkukjak koklam panda khwlaikha Tipra Motha Party.
Koklam pandao joto Zonal Development officer, Sub-Zonal Chairmen akosong manjakha.
A salo haste haphangni Hukbar bedek o samung khwlainairog CEM Relief Fund 51,000/- rang yapharkha. Bedekni khoroksa officer sakha tong kosong lukurogno kokno wansukgwi o yapri naharkha chwng hwnwi sakha.
Abono karwibo bedekni khorok bachinwi officer ni chubachuni bisingtwino o yapri naharmanobo bolaikha TTAADC CEM Purna Chandra Jamatia tei kubuni samung tangnairogbo bolaikha hwnwi sakha officer.
Koktwma thumanirogno Tripura Maharaj Pradyot sakha ani sak baithang 10 lakh yapharkha tei joto Tipra Motha Party ni EM, MDC, MLA nokha salsa ni salary naharyawi o jwngjal no sokomorna bagwi yapri naharkha eba gosilaikha.
Dopha ni bagwi samung khaina hwnwi chwng swkangno sakhwlaijak tei khwlaiwino thangnai, aboni bagwino tini o yapri chwng naharkha. Koklam o khursawi teibo sakha Maharaj Pradyot CPIM Kerala twilomwi derakoro wngphuru fund rohor o Tripura ni simi phiya Tripura o twilomwi baksa baksa langma chothani eba jwngjal kwlaijakrogno tangwi chobaya?
A salo manjakha TTAADC joto EM, MDC MLA no khobwi Zonal Officer, sub-zonal Officer akosong.
