“Hamkrai je thaio tongo, BJP bodolbo ah thaino tongo” o kokno swkango toniwi CPIM, Congress yakarwi BJP bodol kwrwngkha-lamsokha Tiprasa hamkrai montri Bikash Debbarma
Bikash ni Kokborok kokmang wngkha Hamkrai. O hamkrai ni kokno khorogo wansugwino BJP bodolni samung bwtangno bahaikhe teibo Tripura hasteni kami amchairogo kobol khiklaiwi man kha kuwar khwlaiwi himwi tongo Tiprasa Hamrai montri Bikash Debbarma.
BJP no karwi tei hamkrai wngwi manya. Baithangni Bidhansabha Tui Thampui amchaini tongkosong lukurog CPIM tei Congress bodol yakarwi khungchi nukhung ni khorok nwichidok voter BJP ni bana romkha.
Abono karwibo a salo tongkosong lukurogni nungjaknai twi, lama akorog hamya tongmano dakti dakti samung painani bwkhak tei naikini khwlaimani kokrog sakha social mediao montri Bikash Debbarma.
Logi o tongo BJP ni bodolni samung tangnai, Govinda Jamatia no khobwi tei kubuni nangkukjak adongrog.
