IPFT bwskang ni VC chongbari twiwi bodolni samung tangnairogbai salsani koklam panda
Tangsalo Agartala Press Club kaisa koklam panda khwlaikha Indigenous People Front of Tripura(IPFT). Kok bothoma wngkha bwskangni Village Committee Election no twiwi bodolni samung tangnairog no bahaikhe samung akorog khwlaina nangnai, abono wansugwino o yapri hwnwi koktwma.
A salo kok sathani Prem Kumar Reang sakha, tabuk rwngthwngni tonghalok no twiwi kok salaikha, VC Election no twiwi tabukbo Election Commission mungsa sayakhu chongbari no twiwi, haiphano abono twiwi swkangno IPFT tiyar wngjak, ADC ni bisingo jotowi 578 Village Committee tongmani bisingo twrwk twrwk bodol ni phan no krak khwlaiwi tongo tei Central Executive Committee koklamo laiwi thangjak jorani kokbo khursawi sakha.
A salni pandao tongo Tripura hasteni Co-Operative Minister Sukla Charan Noatia, IPFT ni President, GS, AGS no khobwi tei kubuni samung tangnairog.
