Kherengbar Hospital : Kwtal Building tei 150 thuyamgwnang manai tongkosong lukurog
TTAADC ni Kherengbar Sakhamnok ni kwtal Building Daktino tongkosong lukurog manani bwkhak. Jotowi kai sarabachi thuyam gwnang kwtal building manai tongkosong lukurog.
O building ni samung humungrog bwswk joratwi khwlaijagwi tongo abono nainani bagwi thangkha Tipra Motha ni Founder Maharaj Pradyot Bikram Kishore Manikya Bahadur Debbarma. Logio tongo Kherengbar sakhamnokni Doctor, Nurse no khobwi kubuni samung tangnairog.
Bisi kwdwkma romwino TTAADC Head quarter gana ni Kherengbar Hospital sep sab rwui phaimani sak hamya wngjak tongkosong lukurogno. O sakhamno simino ADC area ni lukurog puito chawi sakhambo naijaklaio. Abono naisigwino yapri naharjak tabukni kwtal TTAADC haphang Tipra Motha hwnwi sakha TTAADC Health bedekni adong Kamal Kalai.
