Lt. Badal Tripura ni nukhungni borokbai malaikha tei TTAADC haphangni bwkhak chubachu yapharkha CEM Purna Chandra Jamatia
Kraksalo TTAADC haphangni bwkhaktwi Tripura ni Manu ari amchaio langma chowi thangjak Badal Tripura ni nukhungo thangwi joto kokthum naharkha tei chubachu yapharkha 1L.
A salo koktwma thumnairogno CEM Purna Chandra Jamatia sakha, laiwi thangjak salo TMP ni wngwi thwiwi thangjak Badal Tripura ni nukhungo kok rwmano rwksawi chwng tini borogni nukhung jeswk mansak chubachu rwkha. Bwskangni salobo chwng TTAADC haphangni bwkhaktwi chubachu yapharnai.
A salo teibo sakha CEM o patimungo gwdaljakrogno dakti dakti romwi kerongni yapri naharjakna wngthun hwnwi khorang tisakha.
Logio a salo tongo MDC Debajit Tripura, MLA Pathanlal Jamatia no khobwi TMP ni samungnairog.
