Maharaj Pradyot Bikram : Tipra Motha Party ni bisingtwino Tiprasa mwthangmung wngnai !
Thangnai 27th November 2023 Retried IPS Officer AK Mishra Tripura hasteo thangwi sogwimani. Kwbangma kebengmung tongmani bagwi dalbidal khwlaiwi kok achaimanibo nukjakmani social media. Paithago thangwi sogwikha Tripura hasteo.
Kokthum no rwksawi Tripura hasteni Tiprasarog sal kwdwkma romwi regional party khaiwino tini aswk jora. Phiya muito khwlaithai kwlaio Tiprasa mwthangmungno twiwi kwbangmano sep kotor manjak. O sep naharthani baksa dophani mwnakno pogtharwi thangsukbaio. Aboni bagwi kwbangma tong kosong lukurog tabukbo kisa misa khao kirilamung hwnwi baksa baksa social media o dalbidal kok khereklaimanibo nukjago.
AK Mishra bai malaimani ulo LOP Animesh Debbarma tangnogo thangwi malaikha Tipra Motha Party ni Founder Maharaj Pradyot Bikram no khobwi tei bodolni kubuni samung tangnairog.
Koktwma o teibo sawi mankha bwskangni salo dakti Tripura ni Tiprasa mwthangmungno twiwi Kendra haphang daktino yapri naharnai hwnwi.
Teikhaksa bwkhak Tripura ni BJProg bwskangni Parliament Session no Tiprasa hamkraini bagwi yapri naharjakna wngthun hwnwibo AK Mishra no sakha hwnwi koktwma.
